Kryetarja e Kuvendit të Kosovës, Albulena Haxhiu, ka pritur në takim delegacionin e Forumit Ekonomik të Grave, ku është diskutuar për mundësitë e bashkëpunimit ndërinstitucional në avancimin e politikave legjislative për fuqizimin ekonomik të grave.
Në një postim në Facebook, Haxhiu ka theksuar rëndësinë e këtij bashkëpunimi me Kuvendin e Kosovës, duke u fokusuar në barazinë gjinore dhe krijimin e mundësive më të mira ekonomike për gratë. “Forumit Ekonomik të Grave i urova dhjetëvjetorin e themelimit dhe shpreha gatishmërinë për bashkëpunim në fushat me interes të përbashkët.
Ekspertiza dhe përvoja e Forumit janë të mirëseardhura për Kuvendin, veçanërisht përmes trajnimeve për deputetët dhe kontributit në punën e komisioneve parlamentare,” shkroi kryeparlamentarja.
Burimi origjinal i informacionit: zeri .info
