Lidhja Demokratike e Kosovës do të angazhohet në Grupin Punues të formuar për Gjykatën Speciale, konfirmoi kryetari i LDK-së, Lumir Abdixhiku.
Ai njoftoi se përfaqësues i LDK-së në këtë grup do të jetë deputeti Kujtim Shala.
Në rast se Shala nuk mund të marrë pjesë, atëherë përfaqësimin do ta marrë shefja e Grupit Parlamentar, Jehona Lushaku-Sadriu. “Po, natyrisht, do të marrim pjesë.
I kërkova shefes së Grupit Parlamentar të propozojë akademik Kujtim Shalën.
Nëse akademik Kujtim Shala nuk mund të marrë pjesë, atëherë me siguri do të jetë vetë Jehona Lushaku-Sadriu. Çdo përpjekje e përbashkët kombëtare është e mirëseardhur, për aq sa nuk i mashtrojmë qytetarët e Kosovës me iniciativa që s’kanë efekt juridik, gjithçka tjetër është e pranueshme”, tha ai.
Burimi origjinal i informacionit: zeri .info
