Shefi i Shtabit të Përgjithshëm të Forcave të Armatosura të Shqipërisë, gjenerallejtënant Arben Kingji, ka pritur në një takim komandantin e KFOR-it, gjeneralmajor Ozkan Ulutash, për të shënuar përfundimin e mandatit të tij në krye të misionit të NATO-s në Kosovë.
Nëpërmjet një postimi, Kingji ka shprehur vlerësimin e tij për drejtimin e Ulutashit dhe angazhimin e tij në kuadër të misionit të KFOR-it.
Gjatë takimit, të dy gjeneralët kanë diskutuar për çështje që lidhen me angazhimin e vazhdueshëm të KFOR-it në forcimin e sigurisë në Kosovë dhe ruajtjen e stabilitetit rajonal.
Kingji ka ritheksuar gjithashtu angazhimin e Shqipërisë dhe të Forcave të Armatosura për të përmbushur detyrimet e tyre në këtë operacion të rëndësishëm të NATO-s.
Burimi origjinal i informacionit: zeri .info
