Barry Manilow është rikthyer në skenë në Las Vegas, pas një periudhe rikuperimi nga kanceri në mushkëri.
Këngëtari 83-vjeçar u prit me brohoritje nga fansat në koncertin e së enjtes në Westgate Las Vegas, ku u shfaq me veshjen e tij karakteristike me shkëlqim dhe me entuziazëm njoftoi se ishte rikthyer.
Atmosfera u bë edhe më e veçantë kur fansat filluan t’i hidhnin të brendshme në skenë.
Manilow bëri shaka duke thënë se ndihej sërish si një idhull adoleshentësh, sipas raportimeve.
Fillimisht, ai mori një palë boksera dhe ia ktheu pronarit, por më pas një fanse i hodhi një palë të brendshme rozë, të cilat këngëtari vendosi t’i mbante.
Rikthimi i tij vjen pas një periudhe të vështirë shëndetësore.
Në fund të vitit 2025, Manilow njoftoi se ishte diagnostikuar me kancer në mushkëri në fazën e parë dhe se do t’i nënshtrohej një operacioni për heqjen e një tumori.
Problemi u zbulua pas disa episodeve të bronkitit, kur mjeku i sugjeroi të bënte ekzaminime të mëtejshme.
Sipas deklaratave të tij, sëmundja tani është në remision.
Gjatë këtij viti, këngëtari u detyrua të shtynte disa koncerte, pasi rikuperimi ndikoi në aftësinë e tij për të kënduar për periudha të gjata.
Megjithatë, gjatë verës ai arriti të zhvillonte 29 shfaqje brenda 68 ditësh, përfshirë një turne në gjashtë arena në Mbretërinë e Bashkuar.
Në gusht, ai anuloi disa data koncertesh dhe njoftoi se do të pushonte deri në tetor, duke pranuar se kishte nevojë për më shumë kohë për t’u rikuperuar.
Burimi origjinal i informacionit: telegrafi .com
