Sydney Sweeney: Një lidhje interesante me Marilyn Monroe

Sydney Sweeney është krahasuar prej kohësh me një Marilyn Monroe të ditëve moderne, dhe tani këto krahasime janë bërë më të sakta se sa mendohej fillimisht.

Sipas Entertainment Weekly, ylli i “Euphoria”, 29 vjeçe, ka lidhje familjare me legjendën e ndjerë të Hollywood-it.

Një studim i ri nga MyHeritage ka zbuluar se babai i Sweeney-t, Steven Sweeney, lidhet me babain biologjik të Monroe-s, Charles Stanley Gifford.

Këta dy burrat kanë një paraardhës të përbashkët, Ezra Perry, i cili jetoi në Massachusetts gjatë viteve 1600.

Edhe pse Sweeney nuk ka folur kurrë publikisht për ndonjë lidhje familjare me Monroe-n, ajo shpesh ka sjellë në tapetin e kuq stilin dhe pamjen e yllit të “Some Like It Hot”.

Të dyja kanë përdorur bukurinë, sensualitetin dhe fizikun e tyre për të avancuar në Hollywood, duke u shndërruar në simbole të seksit që përcaktuan brezat e tyre.

Sweeney dhe Monroe janë gjithashtu brune natyrale, pavarësisht se kanë ndryshuar pamjen e tyre për t’u shndërruar në bionde spektakolare.

Ato janë aktore çuditërisht të talentuara, megjithatë pamja e tyre shpesh ka lënë në hije aftësitë e tyre në ekran.

Sweeney ka marrë vlerësime nga kritikët për interpretimet e saj në “The White Lotus”, “Euphoria”, “Christy” dhe “Reality”.

Monroe, nga ana tjetër, po kalonte drejt roleve më të thella dhe më serioze përpara vdekjes së saj në vitin 1962.

Ajo u vlerësua shumë nga kritikët për interpretimin e saj dramatik në filmin “The Misfits”, të vitit 1961.

Burimi origjinal i informacionit: telegrafi .com