Kryeministri në detyrë, Albin Kurti, është angazhuar se nëse presidenti i ri zgjidhet sonte, projektligji për ndryshimin dhe plotësimin e Ligjit për Dhomat e Specializuara do të kalojë në lexim të dytë të enjten paradite.
Në një konferencë për media, Kurti theksoi se zgjedhja e presidentit është një “emergjencë”, ndërsa miratimi i ligjit është një “urgjencë”. “Ligji është urgjencë, por presidenti është emergjencë.
Presidenti duhet të zgjidhet sot, ndërsa ligjin duhet ta zgjedhim më pastaj, duke respektuar edhe rregullin 72-orësh”, u shpreh Kurti.
Ai u zotua publikisht se, në rast të zgjedhjes së presidentit, të enjten paradite do të votohet leximi i dytë i projektligjit. “Le ta zgjedhim presidentin sonte dhe unë publikisht zotohem para jush që në paraditen e së enjtes kalon leximi i dytë i Ligjit për Dhomat e Specializuara.
Ne e votojmë në lexim të dytë dhe këtë e bëjmë duke respektuar Rregulloren e Kuvendit të Kosovës”, deklaroi Kurti.
Burimi origjinal i informacionit: zeri .info
