Deputetja Edona Llalloshi ka njoftuar se do të vazhdojë të jetë pjesë e Komisionit për Kulturë, Turizëm dhe Sport edhe në këtë mandat.
Përmes një postimi në rrjetet sociale, ajo ka përmendur disa nga prioritetet e saj në këtë komision, duke u fokusuar te artistët, kultura dhe industria kreative.
Llalloshi ka theksuar se ka për qëllim të angazhohet për mbrojtjen e të drejtave të artistëve, për një financim më të qëndrueshëm për kulturën dhe për krijimin e më shumë mundësive për promovimin e talentit kosovar.
Postimi i saj i plotë në Instagram është si vijon: “Me kënaqësi ju njoftoj se angazhimi im si deputete në këtë mandat do të vazhdojë në Komisionin për Kulturë, Turizëm dhe Sport.
E konsideroj këtë jo vetëm si një përgjegjësi institucionale, por edhe si një mundësi për të avancuar politika konkrete për kulturën, artin dhe njerëzit që, me punën e tyre, përfaqësojnë identitetin dhe potencialin e vendit tonë.
Kultura dhe arti janë pjesë e rëndësishme e identitetit tonë dhe një potencial i madh për zhvillimin dhe promovimin e Kosovës.” Në Komision, ajo do të angazhohet për: • Mbrojtjen e të drejtave dhe dinjitetit profesional të artistëve; • Financim më të qëndrueshëm për kulturën; • Më shumë mundësi për artistët tanë në tregun ndërkombëtar dhe në hapësirën digjitale; • Një bashkëpunim më të fuqishëm me institucionet, industrinë kreative dhe partnerët ndërkombëtarë.
Kosova ka talent, kreativitet dhe potencial.
Prandaj, detyra jonë është të krijojmë kushtet që ata të tregojnë aftësitë e tyre.
Gjithashtu, do të vazhdoj të punoj me përkushtim që kultura të ketë vendin që meriton në politikat publike të Kosovës.
Burimi origjinal i informacionit: telegrafi .com
