Kryetari i komunës së Skenderajt, Sami Lushtaku, ishte i pranishëm sonte në protestën e tetë me radhë që po mbahet në Prishtinë kundër vendimit të Gjykatës Speciale.
Ai theksoi se Qeveria e Kosovës në këtë rast “po tregohet qele gurin gojën”.Sipas Lushtakut, përfaqësuesit e Qeverisë do të duhej të ishin aktivë sonte në protestë dhe të shpreheshin lidhur me këtë proces. “Pavarësisht bindjeve tona politike, kjo është Qeveria e Kosovës”, shprehu ai.
Lushtaku kritikoi gjithashtu disa ministra dhe deputetë të Lëvizjes Vetëvendosje, duke thënë se “i janë gëzuar dënimit” të ish-pjesëtarëve të UÇK-së.
Në një pyetje nëse pret aktakuza të reja nga Gjykata Speciale dhe nëse do të frikësohej nga një ftesë e mundshme e saj, ai u përgjigj se “absolutisht nuk frikësohet”.
Lushtaku theksoi gjithashtu se nuk i beson Gjykatës Speciale.
Burimi origjinal i informacionit: zeri .info
