Kryeministri në detyrë, Albin Kurti, ka thënë se marrëveshja politike e arritur nuk është e mjaftueshme për të shmangur zgjedhjet e reja, pasi sipas tij nevojiten edhe votat për zgjedhjen e presidentit.
Kurti tha se për zgjedhjen e presidentit kërkohet pjesëmarrja e dy të tretave të deputetëve në Kuvend, dhe duhet të jenë të pranishëm jo vetëm deputetët e palëve që kanë arritur marrëveshjen, por edhe deputetë të tjerë. ‘Marrëveshje politike kemi, por ajo duhet të na sigurojë edhe numrat për të evituar zgjedhjet e reja.
Kuvendi dhe qeveria nuk i evitojnë zgjedhjet e reja pa zgjedhur presidentin’, tha Kurti para fillimit të seancës konstituive.
Burimi origjinal i informacionit: zeri .info
