Në pritje të lirimit të ish krerëve të UÇK-së Hashim Thaçi, Kadri Veseli, Jakup Krasniqi dhe Rexhep Selimi, me moton ‘Kosova po pret’, në qendër të Deçanit ka nisur numërimin mbrapsht ‘Ora e pritjes’.
Përfaqësuesit e platformës ‘Liria ka Emër’ dhe zyrtarët komunal të Deçanit janë shprehur të bindur në pafajësinë e tyre. ‘Me numërua mbrapsht deri më 16 shtator edhe prej këtu sepse edhe Deçani po pret që me 16 shtator çlirimtarët me u kthy në shtëpi të vet, me u kthy në Kosovë.
Deri më 16 kur duhet të nisin ditët e mira, ditët e bardha edhe njëherë me rikonfirmua që historia jonë më e re, që lufta jonë për liri dhe pavarësi ka qenë e drejtë legjitime e popullit të Kosovës për të ruajtur identitetin dhe vlerat që I ka ndërtuar ndër shekuj’, ka thënë Eliza Hoxha. ‘Pres që me 16 të këtij muaji me u gëzu siç jemi gëzuar edhe në proceset tjera gjyqësore.
Këta njerëz të këtij vendi kanë bërë përpjekjen më madhështore për lirinë e këtij vendi dhe luftën më të pastër që e ka bërë dikush ndonjëherë në botë.
Ky vend e këta ushtarë të UÇK-së kanë arritur me e pas përkrahjen e superfuqisë botërore, SHBA-së’, ka thënë Bashkim Ramosaj, kryetar i Deçanit.
Në këtë aktivitet morën pjesë përfaqësues politikë, aktivistë dhe qytetarë të shumtë.
Ata kanë shprehur solidarizimin e plotë me ish ushtarët e UÇK.
Burimi origjinal i informacionit: zeri .info
