Ngërçi politik në Kosovë po ndikon edhe në fushën e sigurisë, duke i bërë institucionet më pak efikase në reagimin ndaj rreziqeve, vlerëson eksperti i çështjeve të sigurisë, Hysen Gecaj.
Në një intervistë për Ekonomia Online, Gecaj tha se siguria është më e brishtë në një situatë kur institucionet kanë kompetenca të kufizuara dhe problemet politike nuk marrin zgjidhje.
Sipas Gecajt, një situatë e tillë cenon sigurinë e Kosovës, pavarësisht pranisë së NATO-s dhe KFOR-it.
Gecaj vlerësoi se situata e brendshme politike mund t’i japë hapësirë Serbisë për të vepruar, duke përmendur edhe deklaratat e presidentit serb, Aleksandar Vuçiq, lidhur me rrjedhën e ujit të lumit Ibër.
Ai përmendi edhe mundësinë e akteve të tjera që, sipas tij, mund të paraqesin rrezik në një situatë të tillë, duke ngritur dyshime edhe për ndikime të shërbimeve të huaja.
Burimi origjinal i informacionit: zeri .info
