Kryeministri në detyrë i Kosovës dhe kryetari i Lëvizjes Vetëvendosje, Albin Kurti, ka shprehur optimizëm para takimit me kryetarin e Lidhjes Demokratike të Kosovës, Lumir Abdixhiku.
Kurti ka thënë se do të diskutohet për bashkëpunimin për konstituimin e institucioneve të reja të Kosovës. ‘Do të takohemi me udhëheqësin e Lidhjes Demokratike të Kosovës, kryetarin Lumir Abdixhikun, dhe do të shohim se si mund të ecim bashkë përpara, në mënyrë që t’i konstituojmë institucionet e legjislaturës së 11-të,’ deklaroi Kurti.
Ai gjithashtu theksoi se takimi pritet të zhvillohet në frymën e mirëbesimit dhe në një atmosferë pozitive. ‘Natyrisht, me mirëbesim dhe në një atmosferë pozitive, si gjithmonë,’ u shpreh Kurti.
Burimi origjinal i informacionit: zeri .info
