Kryetari i Aleancës, Ardian Gjini, ka deklaruar se Kosova është e infiltruar nga shërbimet sekrete armike deri në ndikim në majat e pushtetit.
Në një shkrim në rrjetin social Facebook, ai ka thënë se kjo tashmë është evidente. ‘Spiunët tanimë edhe të arrestuar, sikurse ky Fehim Sali, janë me qasje në zyrat më të larta shtetërore dhe po ndikojnë drejtpërdrejt në zbehjen e shtetit dhe demokracisë.
Kanë arritur të influencojnë në nivele kritike’, ka shkruar Gjini.
Ai ka thënë se këta persona janë futur në sistem dhe mbështeten nga shumë persona të tjerë, qoftë edhe nëpërmjet rrjeteve sociale.
Burimi origjinal i informacionit: zeri .info
