Eugen Cakolli nga Instituti Demokratik i Kosovës (KDI) ka vlerësuar se pritjet për arritjen e një marrëveshjeje politike mes Lëvizjes Vetëvendosje (LVV) dhe Lidhjes Demokratike të Kosovës (LDK) vetëm dy ditë para seancës konstituive kanë qenë jorealiste.
Cakolli thekson se situata aktuale është ndryshe, pasi LVV-ja ka pothuajse trefishin e votave dhe mandateve të LDK-së, gjë që, sipas tij, i jep asaj më shumë hapësirë për të pritur.
Kurti dhe LVV-ja e kanë luksin të presin, madje edhe të mos arrijnë fare marrëveshje, pa u penalizuar ndjeshëm elektoralisht.
LDK-ja dhe sidomos Lumir Abdixhiku nuk e kanë të njëjtin luks, pasi për ta kjo nuk është vetëm çështje e formimit të institucioneve, por edhe e fatit politik.
Në negociata, pala që ka më shumë nevojë për marrëveshje zakonisht ka më pak fuqi negociuese, ndërsa pala tjetër ka më pak arsye për të nxituar.
Burimi origjinal i informacionit: zeri .info
