Pak ditë para seancës konstituive të Kuvendit të Kosovës, ushtruesja e detyrës së presidentes, Albulena Haxhiu ka pritur përfaqësuesit e partive politike në takim.
Haxhiu tregoi se është vendosur për caktimin e rendit të ditës së kësaj seanca që mbahet më 6 gusht, e ku pritet të zgjedhen kryetari i Kuvendit e nënkryetarët.
Nga dita e konstituimit nis të rrjedhë afati për formimin e qeverisë dhe zgjedhjen e presidentit, për çka ushtruesja e detyrës së presidentes ka mirëpritur rikthimin e LDK-së në diskutime me Lëvizjen Vetëvendosje për të përmbushur këta hapa, që nëse nuk ndodhin, e çojnë vendin në zgjedhje.
Përfaqësuesit e Vetëvendosjes dhe Lidhjes Demokratike u shprehën optimist në gjetjen e një zgjidhjeje për të shmangur zgjedhjet, duke iu referuar një bashkëpunimi të mundshëm mes tyre.
Ndërkohë Partia Demokratike e Kosovës dhe Aleanca kanë ripërsëritur qëndrimet e tyre se nuk duan bashkëqeverisje me Vetëvendosjen.
Seanca konstituive e Kuvendit është thirrur për datën 6 gusht, e duhet të përfundojë më së largu më 7 gusht, sepse tashmë me këtë datë konsumohet afati kushtetuese prej 30 ditësh.
Burimi origjinal i informacionit: zeri .info
