Wayfarer Studios, kompania e produksionit e Justin Baldonit, duhet të paguajë mbi 171 mijë dollarë në favor të The New York Times, pas humbjes së padisë për shpifje.
Vendimi u mor nga gjyqtari Gerald Lebovits, i cili miratoi kërkesën e gazetës për rimbursim të shpenzimeve ligjore, bazuar në ligjin anti-SLAPP për të mbrojtur median nga paditë e pabazuara.
Wayfarer kishte paditur gazetën për një artikull të dhjetorit 2024, ku trajtoheshin pretendimet e Blake Lively për ngacmim seksual gjatë xhirimeve të filmit It Ends with Us.
The New York Times e përshëndeti vendimin e gjykatës, duke theksuar rëndësinë e ligjit anti-SLAPP për mbrojtjen e medias. Çështja nisi në fillim të vitit 2025, por padia e Wayfarer Studios u rrëzua më pas nga gjykata federale, dhe tani gazeta ka fituar rimbursimin e kostove ligjore.
Burimi origjinal i informacionit: telegrafi .com
