Dua Lipa dhe Callum Turner kaluan një javë në New York dhe në atë rast ata kënduan papritur një këngë ditëlindjeje për një mysafir që ishte ulur pranë tyre në një restorant.
Ata po shijonin darkën në një restorant në West Village dhe panë një grup miqsh duke kënduar një këngë ditëlindjeje. “Ata menduan se do të ishte argëtuese të bashkoheshin me këngën dhe t’ia bënin ditën dikujt.
Disa ditëlindje vijnë me një tortë, dhe kjo ditë erdhi me një serenatë surprizë nga Dua Lipa dhe Callum Turner”, thanë punonjësit e restorantit.
Gjithashtu, punonjësit theksuan se Lipa dhe Turner janë mysafirë të shpeshtë në këtë restorant. “Atyre u pëlqen të ndihen të padukshëm.
Ata thjesht duan të jenë në gjendje të dalin dhe të shijojnë pije dhe ushqim, si të gjithë të tjerët”, thonë ata.
Burimi origjinal i informacionit: telegrafi .com
