Banorët e ndërtesave në rrugën ‘Besnik Lajqi’ në Pejë kanë shprehur shqetësimin e tyre për praninë e qenve endacakë, duke thënë se lehjet e tyre gjatë natës po ua pamundësojnë pushimin dhe gjumin.
Sipas videove të publikuara në rrjetet sociale, qytetarët thonë se problemi vazhdon pavarësisht se Komuna e Pejës ka ndarë mjete të konsiderueshme financiare për trajtimin e qenve endacakë.
Komuna e Pejës ka nënshkruar një kontratë në vlerë rreth 258 mijë euro për trajtimin e mbi dy mijë qenve endacakë, por banorët e zonës thonë se situata mbetet shqetësuese.
Ata kërkojnë masa konkrete për zgjidhjen e problemit dhe reagim sa më të shpejtë nga institucionet kompetente.
Burimi origjinal i informacionit: zeri .info
