Ushtruesja e detyrës së Presidentes së Republikës së Kosovës, Albulena Haxhiu ka dekretuar Zejnullah Gashin si Kryeprokuror të ri të Shtetit.
Kështu kanë konfirmuar burime të zyrtare brenda Presidencës.
Dekretimi u bë një ditë pasi Këshilli Prokurorial i Kosovës në mbledhjen e 298-të të hënën, ka nominuar Gashin për Kryeprokuror të Shtetit, emri i të cilit u propozua tek Haxhiu, për dekretim.
Instituti Demokratik i Kosovës (KDI), Instituti i Kosovës për Drejtësi (IKD) dhe Lëvizja FOL e kanë vlerësuar procesin si të rëndësishëm për sistemin e drejtësisë, duke shprehur kënaqësi për transparencën dhe barazinë në trajtimin e kandidatëve.
Kandidatët për Kryeprokuror të Shtetit kanë qenë Atdhe Dema, Naim Abazi, Rafet Halimi, Shqipdon Fazliu dhe Zejnullah Gashi.
Zejnullah Gashi ka fituar me 91.6 pikë, duke e renditur në vendin e parë.
Kandidati Atdhe Dema ka paraqitur ankesë ndaj vlerësimit, por Këshilli Prokurorial e ka refuzuar atë.
Këshilli Prokurorial i Kosovës kishte miratuar kandidaturat e pesë kandidatëve për Kryeprokuror të Shtetit më 19 qershor 2026.
Vendimi për shpalljen e konkursit ishte marrë në takimin e Këshillit Prokurorial të Kosovës më 18 maj 2026.
Burimi origjinal i informacionit: zeri .info
