Tirana po përgatitet për të pritur një nga ngjarjet muzikore më të mëdha të organizuara ndonjëherë në Shqipëri.
Koncerti i reperit amerikan Kanye West, i cili do të mbahet më 11 korrik, ka tërhequr vëmendjen e shumë njerëzve brenda dhe jashtë vendit.
Kryeministri i Shqipërisë, Edi Rama, ka ndarë pamje nga stadiumi i ndërtuar veç për këtë event, duke theksuar se interesi ndërkombëtar për koncertin është më i madh se ai për finalen e Conference League që u zhvillua në Tiranë.
Eagle Stadium, me kapacitet për 60 mijë spektatorë, do të jetë qendra e muzikës dhe argëtimit gjatë fundjavës së koncertit. Çmimet e biletave për koncertin e Kanye West në Tiranë shkojnë nga 120 deri në 339 euro për hyrje standarde dhe paketat VIP.
Ky koncert është një pjesë e turneut botëror të Kanye West për vitin 2026 dhe pritet të jetë një nga eventet më spektakolare muzikore të organizuara ndonjëherë në vend.
Burimi origjinal i informacionit: telegrafi .com
