Aktorja e njohur franceze Isabelle Adjani është dënuar nga Gjykata e Apelit në Paris me 10 muaj burg me kusht dhe një gjobë prej 10 mijë eurosh, pasi u shpall fajtore për evazion fiskal dhe pastrim parash.
Vendimi i ri përfaqëson një lehtësim të ndjeshëm krahasuar me dënimin e shkallës së parë.
Njëri prej avokatëve të saj, David Lepidi, e cilësoi vendimin si një lehtësim, por bëri të ditur se çështja nuk përfundon me kaq.
Aktorja 71-vjeçare, e nominuar dy herë për çmimin Oscar për rolet në filmat Historia e Adele Hugo dhe Camille Claudel, u shpall fajtore për deklarim të rremë të vendbanimit të saj në Portugali gjatë viteve 2016 dhe 2017, fshehjen e një kredie në vitin 2013, si dhe transferimin e një shume parash në Shtetet e Bashkuara në vitin 2014.
Gjatë procesit gjyqësor, Adjani deklaroi se vuan nga ajo që e quajti ‘fobi burokratike’ dhe akuzoi një zyrtar tatimor se i kishte premtuar se do t’i rregullonte çështjet financiare.
Burimi origjinal i informacionit: telegrafi .com
