Familja Peltz ka festuar një ngjarje të rëndësishme, pasi Will Peltz, vëllai i aktores Nicola Peltz, u martua me modelen Kenya Kinski-Jones, vajzën e producentit legjendar Quincy Jones.
Dasma u zhvillua pas 14 vitesh lidhje të çiftit, në pronën e familjes Peltz në Mount Kisco, New York, aty ku Will i kishte propozuar Kenyas një vit më parë. Çifti zgjodhi ta niste fundjavën e dasmës me një ceremoni private, ku shkëmbyen betimet në prani të familjarëve më të afërt.
Babai miliarder i dhëndrit, Nelson Peltz, shoqëroi nusen drejt altarit dhe më pas mori rolin e shoqëruesit të dhëndrit, ndërsa Claudia Peltz ishte shoqëruesja e nderit e nuses.
Në ceremoninë morën pjesë edhe Nicola Peltz, bashkëshorti i saj Brooklyn Beckham, si dhe gjysmëmotra e Kenyas, aktorja Rashida Jones.
Dasma përfshiu edhe homazhe prekëse për Quincy Jones.
Buqeta e nuses ishte zbukuruar me kravatën e tij, ndërsa në fustanin e saj ishte qëndisur një shkrim dore i producentit legjendar.
Në një intervistë, Kenya dhe Will thanë se përfshirja e familjeve në organizim ishte një nga gjërat më të rëndësishme për ta.
Burimi origjinal i informacionit: telegrafi .com
