Këngëtari dhe producenti i njohur, Korab Shaqiri, është rikthyer pas një periudhe mungese në ekranet televizive, ku ka folur hapur për karrierën e tij muzikore dhe arsyet që e shtynë të tërhiqej për një kohë nga skena.
I ftuar në emisionin “Sol”, artisti ndau mendimet e tij për zhvillimet në industrinë muzikore ndër vite, duke theksuar se një nga arsyet kryesore të largimit të tij ishte ndryshimi i frymës që po dominonte tregun muzikor.
Shaqiri la të kuptohet se gjatë viteve të fundit muzika cilësore shpesh ka mbetur në hije përballë trendëve të reja, të cilat sipas tij nuk kanë pasur vlera të mirëfillta artistike.
Megjithatë, beson se situata po ndryshon gradualisht dhe se publiku po rikthehet sërish drejt muzikës me përmbajtje dhe cilësi.
Burimi origjinal i informacionit: telegrafi.com
