Gjykata e Apelit në Kosovë ka konfirmuar vendimin e Gjykatës Themelore në Prishtinë për lirimin nga akuza zyrtarët e Aeroportit “Adem Jashari”.
Ata ishin akuzuar për keqpërdorim të pozitës zyrtare, por Themelorja nuk gjeti prova të mjaftueshme për të dënuar ata.
Prokuroria Themelore kishte ankimuar vendimin, por Apeli e ka mbështetur vendimin e Themelores duke e vërtetuar në mënyrë të plotë.
Akuzat kundër tyre lidheshin me mosmonitorimin e pajisjeve në aeroport gjatë grevës së punëtorëve.
Në aktakuzë thuhet se kishin rrezikuar sigurinë e pasagjerëve dhe ekuipazhit të aeroplanit.
Burimi origjinal i informacionit: zeri.info
