Organizata e Veteranëve të UÇK-së shpreh shqetësimin pas aksionit të Policisë së Kosovës në Skenderaj

Organizata e Veteranëve të Luftës së UÇK-së ka mbajtur konferencë për media në Skenderaj, ku kryetari i kësaj organizate, Hysni Gucati, tha se ardhja e tyre në këtë komunë nuk ishte si mysafirë, por për një çështje që, sipas tij, ka shqetësuar veteranët pas aksionit të Njësisë Speciale të Policisë së Kosovës, të zhvilluar mbrëmjen e së enjtes në Skenderaj.