I mbijetuari i Masakrës së Dubravës, Bislim Zogaj, ka deklaruar se shtatorja e heroit Adem Jashari, nuk duhet të jetë në çdo qytet të Kosovës.
Në emisionin ‘Ora Shtatë’, ai shtoi se këtë mendim e ndan edhe familja Jashari. ‘Ky është mendim edhe i familjes Jashari, se shtatorja e Adem Jasharit nuk do duhej të ishte në të gjitha qytetet.
Për mendimin tim personal, shtatorja e Adem Jasharit do duhej të ishte në Skenderaj, Prishtinë, Tiranë, Shkup, dhe jo në qytete të tjera’, tha Zogaj.
