Qiratë e banesave në Zvicër ndryshojnë ndjeshëm nga një kanton në tjetrin, me dallime të mëdha midis zonave të urbanizuara dhe atyre rurale.
Të dhënat e publikuara nga mediumi zviceran Watson, bazuar në analizën e kompanisë së pasurive të paluajtshme Lookmove, tregojnë se kantonet e Cyrihut dhe Zugut janë ndër më të shtrenjtat për të jetuar.
Sipas analizës, një banesë me 3 deri në 3.5 dhoma në qytetin e Cyrihut kushton mesatarisht 3.076 franga në muaj.
Në kantonin e Zugut, çmimi mesatar arrin në 3.433 franga në muaj, duke u bazuar në 42 shpallje të analizuara.
Nga ana tjetër, në disa pjesë të Zvicrës perëndimore, si në kantonin e Bernës dhe në Jura, qiratë janë dukshëm më të ulëta.

