Drejtori sportiv i Barcelonës, Deco, ka shprehur keqardhjen e klubit katalanas për një transferim që nuk arriti të realizohej.
Në një intervistë për emisionin “Tot Costa” në “Radio Catalunya”, ai u pyet për tre futbollistë të njohur: Julian Alvarez, Luis Diaz dhe Bernardo Silva.
Barcelona kishte shprehur interes për këta lojtarë, por për arsye të ndryshme, transferimet e tyre mbetën të paplota.
Kur iu kërkua të zgjidhte se për cilin prej tyre ndiente më shumë keqardhje, Deco u përgjigj pa hezitim, duke thënë: “Luis Diaz”.
Kjo përgjigje tregon qartë se sulmuesi kolumbian ishte ai që Barcelona do të kishte dashur më shumë ta kishte në radhët e saj.

