Aktorja Anya Taylor-Joy dhe bashkëshorti i saj Malcolm McRae rrallë shfaqen së bashku në publik.
Megjithatë, çifti bëri një përjashtim në darkën gala para ndarjes së çmimeve Oscar të Dior dhe revistës W në restorantin Mr.
Chow në Beverly Hills.
Për eventin, Taylor-Joy zgjodhi një fustan të bardhë të thurur me dekolte të thellë dhe rripa që binin anash.
Ajo e kompletoi pamjen me një xhaketë të zezë dhe sandale të bardha me rripa nga Aquazzura, ndërsa flokët i lidhi në një topuz të lartë dhe shtoi vathë të hollë argjendi nga Tiffany & Co.
Ndërsa Malcolm mbante veshur një kostum klasik të zi dhe këmishë të bardhë.
Megjithatë, ishte figura e saj ajo që tërhoqi më shumë vëmendje.
Beli i saj i hollë, faqet e përcaktuara dhe mollëzat e larta ndezën përsëri debatin rreth standardeve të bukurisë së Hollivudit të sotëm, të cilat shumë i shoqërojnë me dobësi ekstreme.
Ndërsa disa fansa ishin të kënaqur me elegancën dhe hirin e saj, të tjerë shprehën shqetësim për pamjen e saj, duke komentuar se ajo ishte ‘shumë e dobët’ dhe dukej ‘e pashëndetshme’.
Pavarësisht gjithçkaje, Anya rrezatonte vetëbesim.
Ndërsa pozonin për fotografët, McRae e përqafoi me butësi gruan e tij, një pamje e rrallë për çiftin që zakonisht e mban intimitetin larg syrit të publikut.
