Një agjent i Immigration and Customs Enforcement (ICE) qëlloi për vdekje një grua të mërkurën gjatë një operacioni të lidhur me imigracionin, pasi një grup njerëzish nisi të bllokonte agjentët, njoftoi Departamenti i Sigurisë Kombëtare (DHS).
Sipas zëdhënëses së DHS, Tricia McLaughlin, gruaja “nisi automjetin e saj, duke u përpjekur të përplaste oficerët për t’i vrarë ata”, ndërsa zyrtarët lokalë thonë se kanë parë video që sfidon këto pretendime.
Viktima ishte një grua e bardhë, në moshë të mesme, që nuk dukej të ishte objekt i ndonjë hetimi.
Kryebashkiaku i Minneapolis, Jacob Frey, kundërshtoi narrativën e DHS dhe kërkoi largimin e agjentëve federalë nga qyteti.
Banorët që panë ngjarjen protestuan pas incidentit.
Presidenti amerikan Donald Trump komentoi incidentin në “Truth Social”, duke e cilësuar si një gjë të tmerrshme për t’u parë.
Sipas tij, gruaja ishte e pakënaqur dhe përplasi me dhunë agjentin e ICE.
Video të publikuara nuk tregojnë që oficeri është përplasur nga automjeti.
Trump gjithashtu i bëri thirrje amerikanëve të mbështesin forcat e rendit përballë kësaj “lëvizjeje të dhunshme dhe urrejtjeje”.
