Dikur ishte mbretëresha e komedive romantike, ndërsa jeta e saj private u bë po aq e përfolur sa filmat.
Pas një periudhe larg vëmendjes, aktorja po i rikthehet zhanrit që e bëri të famshme.
Ajo krijoi një lidhje magjike me miliona shikues, duke i bërë ata të besojnë në dashurinë me shikim të parë, takimet e rastësishme dhe romancat që lindin kur më së paku i presin.
Buzëqeshja e saj karakteristike, flokët biondë dhe sharmi i natyrshëm e shndërruan në simbol të një epoke të Hollywoodit.
Sot, më 19 nëntor 2026, Meg Ryan feston ditëlindjen e 65-të, me një histori personale që përmban sukses, dashuri, ndarje dhe vendime të guximshme.
Aktorja që dikur mbante titullin ‘e preferuara e Amerikës’ ka zgjedhur prej kohësh një jetë më të qetë, por lidhja e saj me kinemanë nuk është ndërprerë.
Meg Ryan ëndërronte gazetarinë, por përfundimisht u bë mbretëresha e komedive romantike.
Margaret Mary Emily Anne Hyra lindi më 19 nëntor 1961, në Fairfield të Connecticutit.
Fillimisht studioi gazetari në Universitetin e Nju Jorkut, por angazhimet e para televizive ia ndryshuan drejtimin profesional.
Pas paraqitjes në filmin Top Gun, kthesa vendimtare erdhi më 1989 me When Harry Met Sally….
Roli i Sally Albrightit e bëri të famshme ndërkombëtarisht.
Më pas erdhën filma si Sleepless in Seattle, French Kiss, City of Angels dhe You’ve Got Mail.
Burimi origjinal i informacionit: telegrafi .com

