Presidenti francez Emmanuel Macron shprehu mbështetje të fortë për idenë e “rihapjes së çështjes” së anëtarësimit të Ukrainës në NATO gjatë një takimi të rëndësishëm në Berlin.
Ai kërkoi nga aleatët e Kievit të bëjnë “maksimumin” për t’i ofruar asaj sistemet e nevojshme të mbrojtjes ajrore. “Duke pasur parasysh natyrën maksimaliste të qëndrimit rus, besoj se duhet ta rihapim çështjen e anëtarësimit të Ukrainës në NATO”, tha Macron pas takimit të “Koalicionit të Vullnetmirëve”, të bashkëkryesuar nga Franca dhe Mbretëria e Bashkuar.
Macron e theksoi se anëtarësimi i Ukrainës në NATO ishte lënë mënjanë në fillim të vitit 2022, në një kontekst “krejtësisht të ndryshëm”.
Pas pushtimit të Ukrainës nga Rusia në vitin 2022, aleatët perëndimorë e përjashtuan mundësinë e anëtarësimit të Kievit në NATO në afatshkurtër, nga frika se pranimi i një vendi në luftë me Rusinë mund të shkaktonte një konfrontim të drejtpërdrejtë mes NATO-s dhe Rusisë, sipas Nenit 5.
Pas bisedimeve të paqes të zhvilluara në Abu Dabi më 10 dhe 11 nëntor, të ndërmjetësuara nga SHBA-ja, presidenti ukrainas Volodymyr Zelensky njoftoi se negociatorët amerikanë kishin propozuar që Ukraina të tërhiqej nga rajoni lindor i Donbasit në këmbim të anëtarësimit në NATO.
Ai theksoi se Kievi nuk është i gatshëm të lëshojë territore, por po diskutohen “garanci specifike sigurie” me NATO-n dhe BE-në. “Shtrohet pyetja, përfshirë edhe për ne evropianët, se çfarë do të ndodhë ‘të nesërmen’, sepse Ukraina do të jetë një vend me një ushtri të madhe dhe shumë mirë të pajisur.
Për sigurinë tonë afatgjatë, anëtarësimi i Ukrainës në NATO ka kuptim”, deklaroi Macron.
Këto komente të tij erdhën disa orë pas një takimi historik mes presidentit rus Vladimir Putin, presidentit amerikan Donald Trump dhe presidentit kinez Xi Jinping në Kinë.

