Ish-sekretarja amerikane e Shtetit, Hillary Clinton, ka shprehur kritika të ashpra ndaj takimit trepalësh të presidentit amerikan, Donald Trump, me presidentin kinez, Xi Jinping, dhe presidentin rus, Vladimir Putin.
Ajo paralajmëron se një takim i tillë mund të dëmtojë pozitën e Shteteve të Bashkuara në arenën ndërkombëtare.
Sipas Clintonit, ky takim do t’u ofronte Putinit dhe Xi-së më shumë ndikim mbi Trumpin, duke e bërë të vështirë zgjidhjen e problemeve që lidhen me eksportet e teknologjisë amerikane drejt Kinës, si dhe mbështetje për Ukrainën.
Ajo shprehu shqetësimin se Kina po funksionon si një bazë prodhuese për Rusinë në fushën e teknologjive të avancuara, gjë që e komplikon edhe më shumë ndihmën për Ukrainën.
Në një kritikë të fortë ndaj presidentit amerikan, Clinton theksoi se Xi Jinping dhe Vladimir Putin po e manipullojnë Trumpin sipas interesave të tyre. “Xi Jinping dhe Vladimir Putin e luajnë Trumpin si një fëmijë që i bie kitarës.
Kjo është patetike,” deklaroi ajo.

