Jose Mourinho ka filluar të implementojë një strategji të re në menaxhimin e futbollistëve te Real Madridi, duke u inspiruar nga metoda e Luis Enriques te Paris Saint-Germain.
Sipas raportimeve, trajneri portugez ka për qëllim që t’i mbajë lojtarët në formë optimale fizike dhe mendore për fazat vendimtare të sezonit përmes një programi të personalizuar të pushimit dhe rikuperimit.
Kjo strategji e Mourinhos tejkalon rotacionin e zakonshëm të formacionit.
Stafi teknik është duke analizuar nevojat individuale të çdo futbollisti, duke përcaktuar kohën e pushimit, ditët shtesë të lira dhe masat e rikuperimit në përputhje me ngarkesën e tyre.
Arda Guler dhe Aurelien Tchouameni janë mes futbollistëve të parë që kanë përfituar nga kjo qasje, duke marrë kohë shtesë për rikuperim rreth ndeshjes së Ligës së Kampionëve kundër AEK Athinës.
Mourinho planifikon që këtë politikë ta aplikojë te të gjithë lojtarët e skuadrës, për të siguruar që Real Madridi të përballojë sa më mirë kalendarin e ngjeshur dhe të shmangë lodhjen e tepërt gjatë sezonit.
