Banorja Jona është përballur me influenceren Doresa në Big Brother VIP Kosova 5, ndërsa në diskutimin mes tyre në Living iu bashkua edhe Lejla.
Përballja filloi me kritika nga Doresa, e cila e pyeti Jonën nëse mund të flejë e qetë, duke pasur parasysh bullizimet dhe ofendimet që, sipas saj, ajo kishte bërë në rrjetet sociale.
Jona nuk mbeti pa përgjigje, duke pretenduar se edhe Doresa kishte hapur profile të rreme në emrin e saj.
Për të mbështetur këtë pretendim, ajo paraqiti disa fotografi gjatë diskutimit.
Nga ana tjetër, Doresa rikujtoi një rast të vitit 2015, duke e akuzuar Jonën se atëherë e kishte bullizuar për formën e trupit.
Por përplasja mes tyre nuk u ndal këtu.
Doresa ngriti edhe një tjetër akuzë ndaj Jonës, duke pretenduar se kjo e fundit kishte ndërhyrë në lidhjen e saj dhe madje i kishte shkruar edhe bashkëshortit të saj.
Burimi origjinal i informacionit: telegrafi .com
