Situatat mes banorëve të Big Brother VIP Kosova 5 po bëhen gjithnjë e më të tensionuara, ku debatet dhe përplasjet verbale janë bërë pjesë e pandashme që nga ditët e para të këtij edicioni.
Së fundmi, në një moment tepër të tensionuar, Anjeza Gubetini ka shpërthyer në të bërtitura ndaj reperit Nichi, duke mos arritur t’i mbajë emocionet nën kontroll.
Banorja është parë qartë e revoltuar dhe në lot, teksa i është drejtuar reperit me tone të larta, duke i kërkuar që të mos e përfshijë familjen e saj në debatet brenda shtëpisë. “Mos më prek në familje, idiot i poshtër, i poshtër deri te Zoti,” dëgjohet t’i thotë Anjeza, duke shprehur hapur pakënaqësinë ndaj fjalëve të Nichit.
Reagimi i saj ka qenë shumë i ashpër, ndërsa situata ka marrë përmasa më të mëdha për shkak të emocioneve të shfaqura nga banorja.
Kjo përplasje është një tjetër dëshmi e atmosferës së tensionuar që po mbizotëron në shtëpinë më të famshme në Kosovë, ku raportet mes banorëve duket se po vihen në provë që në fillim të rrugëtimit të tyre.
Burimi origjinal i informacionit: telegrafi .com
