Real Madridi ka arritur një rekord të jashtëzakonshëm në historinë e Ligës së Kampionëve, duke treguar edhe një herë se është një skuadër që di të vendosë ndeshjet në çastet e fundit.
Sipas të dhënave nga MisterChip, klubi madrilen nuk kishte arritur asnjëherë më parë të fitojë një ndeshje si mysafir në këtë garë me golin vendimtar të shënuar pas minutës së 90-të.
Kjo ecuri negative historike u ndërpre në shkurt të vitit 2025.
Që nga ajo kohë, Real Madridi ka regjistruar katër fitore dramatike në udhëtim, me gola vendimtarë në minutat shtesë, brenda një periudhe të shkurtër prej vetëm 21 muajsh.
Jude Bellingham dhe Vinicius Junior heshtën stadiumin “Etihad” me golat e tyre vendimtarë, Antonio Rudiger festoi në Romë, ndërsa Federico Valverde bëri të njëjtën gjë në ndeshjen e fundit të madrilenëve ndaj AEK Athinës.
Asnjë skuadër tjetër në historinë e Ligës së Kampionëve nuk ka arritur të grumbullojë kaq shumë fitore si mysafir me gola vendimtarë pas minutës së 90-të në një periudhë kaq të shkurtër.
