Politika e re e administratës amerikane për uljen e çmimeve të barnave ka shkaktuar shqetësime të mëdha në Zvicër.
Kompanitë farmaceutike mund të kërkojnë rritjen e çmimeve në tregjet e tjera për të kompensuar humbjet e mundshme që mund të kenë në SHBA.
Sipas një studimi të bërë nga ekspertët në Institutin Federal të Teknologjisë në Cyrih (ETH) dhe Universitetin e Cyrihut, nëse Zvicra dhe vendet e tjera pranojnë këtë presion, qytetarët zviceranë mund të përballen me shpenzime shtesë që arrijnë qindra miliona franga çdo vit, përmes primeve të sigurimit shëndetësor.
Qeveria amerikane ka për qëllim që çmimet e barnave në SHBA të përafrohen me ato të vendeve të tjera të zhvilluara, përmes sistemit të njohur si “Most-Favoured Nation”.
Në këtë model, çmimet amerikane krahasohen me ato të një grupi shtetesh referuese, ku përfshihet edhe Zvicra.
