Këshilli i Trupit Rregullator për Mediat Elektronike (REM) në Serbi ka vendosur t’ia ndalojë për shtatë ditë transmetimin e programeve informative televizionit Informer, një medium i njohur për afërsinë e tij me ish-presidentin serb Aleksandar Vuçiq dhe Partinë Progresive Serbe (SNS).
Vendimi u mor në mbledhjen e së mërkurës, ku anëtarët e Këshillit votuan njëzëri për ndalimin e transmetimit të emisionit informativ “Prva Info”, sipas nova.rs.
Televizioni Informer njihet për qëndrimet proqeveritare dhe mbështetje ndaj politikave të Vuçiqit, dhe shpesh ka qenë në qendër të kritikave për mënyrën e raportimit dhe trajtimin e kundërshtarëve politikë të pushtetit.
Në të njëjtën mbledhje, REM-i vendosi të nisë procedura edhe ndaj televizioneve Kurir, Prva, K1 dhe V5 nga Valjeva, për shkak të dyshimeve për shkelje të rregullave në ofrimin e shërbimeve mediatike.
Përfaqësuesit e këtyre televizioneve do të ftohen në mbledhjen e ardhshme të Këshillit të REM-it.
Ndërkohë, më 26 tetor, dhjetëra qytetarë kishin hyrë në zyrat e televizionit Informer në Beograd, duke ndërprerë transmetimin e drejtpërdrejtë.
