Interi ka regjistruar fitoren e dytë në Ligën e Kampionëve, duke e mposhtur Feyenoordin me rezultat 3-0 në një ndeshje të zhvilluar në udhëtim.
Skuadra italiane ka bërë një paraqitje të shkëlqyer, duke siguruar tri pikë të rëndësishme që e ndihmojnë të ngjitet në renditjen e këtij kompeticioni.
Zikaltrit e filluan ndeshjen në mënyrë të shkëlqyer, duke kaluar në epërsi që në minutën e tetë.
Yann Bisseck realizoi një gol të bukur nga jashtë zonës, me një goditje të fuqishme që përfundoi në anën e majtë të portës.
Interi e dyfishoi epërsinë në minutën e 34-të.
Francesco Pio Esposito përfitoi nga një krosim i saktë dhe me një goditje me kokë e dërgoi topin në rrjetë, duke e çuar rezultatin në 0-2.
Në pjesën e dytë, Piotr Zielinski shënoi golin e tretë për italianët në minutën e 54-të, me një goditje të shkëlqyer nga jashtë zonës.
Interi pati edhe një gol tjetër përmes Espositos, por ai u anulua pas ndërhyrjes së VAR-it.
Megjithatë, fitorja erdhi me disa shqetësime për Interin, pasi Marcus Thuram u detyrua të largohej nga fusha në minutën e 57-të për shkak të një lëndimi.
