Komuna e Fushë-Kosovës ka njoftuar se rruga ‘Hajrullah Zymi’ do të jetë përkohësisht e bllokuar si pasojë e punimeve për rregullimin e trotuareve dhe zgjerimin e rrugës ekzistuese.
Megjithatë, dalja nga qendra do të vazhdojë të funksionojë pa probleme. “Në kuadër të projektit për rregullimin e trotuareve dhe zgjerimin e rrugës ekzistuese në rrugën ‘Hajrullah Zymi’, hyrja në këtë rrugë do të jetë përkohësisht e bllokuar.
Ndërkohë, dalja nga qendra do të vazhdojë të funksionojë normalisht.
Lusim qytetarët dhe pjesëmarrësit në trafik që të shfrytëzojnë hyrjet alternative dhe të respektojnë sinjalizimin e vendosur në terren.
Faleminderit për mirëkuptimin dhe bashkëpunimin tuaj!”, thuhet në njoftim.
Burimi origjinal i informacionit: zeri .info
