Një përplasje politike është shpërthyer për kontrollin e Gjykatës Kushtetuese të Polonisë pas vendimit të qeverisë për të pezulluar dy gjyqtarët më të lartë të saj dhe për të ndërmarrë hapa për ngritjen e akuzave penale ndaj tyre.
Ministri polak i Drejtësisë, Waldemar Zurek, njoftoi se kishte kërkuar heqjen e imunitetit të kryetarit të Gjykatës Kushtetuese, Bogdan Swieczkowski, dhe zëvendëskryetarit Bartłomiej Sochanski, për të mundësuar ngritjen e akuzave penale.
Ndërkohë, politikanë të krahut të djathtë nga partia opozitare Ligji dhe Drejtësia (PiS) protestuan para ndërtesës së gjykatës në Varshavë për këtë vendim.
Policia për ndërhyrje të shpejtë u dislokua për të penguar protestuesit të hynin në ndërtesën e Gjykatës Kushtetuese.
Gjykata Kushtetuese, në një reagim në rrjetet sociale, theksoi se dy gjyqtarët vazhdojnë të jenë drejtuesit e saj të emëruar ligjërisht, duke deklaruar se “Të gjithë personat që marrin pjesë në këto veprime po kryejnë veprën penale të grushtit të shtetit.” Kryeministri Donald Tusk mbrojti veprimet e qeverisë, duke thënë se synimi është rikthimi i sundimit të ligjit në vend. “Rikthimi i sundimit të ligjit është detyra jonë.
Pas viteve të paligjshmërisë së Partisë Ligj dhe Drejtësi, ky është një proces i vështirë, ndonjëherë i dhimbshëm, që kërkon veprime vendimtare.
Nuk ka rrugë tjetër,” shkroi Tusk.
