Studentë dhe protestues u grumbulluan sot në ditën e 13-të të protestës para Ministrisë së Arsimit në Rrugën e Durrësit në Tiranë.
Të rinjtë, së bashku me qytetarë të tjerë, mbajnë flamuj kombëtarë dhe pankarta që kërkojnë ndryshime në kastën politike.
Protesta erdhi pas një tubimi të djeshëm me tensione dhe përplasje të dhunshme.
Protestuesit akuzojnë policinë për përdorim të dhunës disproporcionale ndaj tyre.
Fillimisht, protestat ishin të qeta dhe forcat e rendit kishin vendosur një perimetër sigurie për të garantuar rendin.
Pranë institucionit ishin pozicionuar edhe autobotët e ujit të policisë.
Disa të rinj të maskuar filluan të hedhin gurë drejt Ministrisë së Arsimit, por u ndaluan shpejt.
Pas ndalimit të dhunës, protestuesit marshuan drejt sheshit “Skënderbej” dhe më pas në bulevardin që çon drejt Kryeministrisë.
Kur arritën para Kryeministrisë, ata grumbulluan dhe djegën karriget që ishin vendosur nga kryeministri Rama si ftesë për dialog.
Që nga fillimi i protestave, janë raportuar dhjetëra të lënduar si në radhët e policisë, ashtu edhe të protestuesve.
Protestuesit, përveç institucioneve shtetërore, kanë shënjestruar edhe biznese të vogla e të mesme, duke shkaktuar dëme dhe djegie.
Të rinjtë dhe studentët vazhdojnë të kërkojnë dorëheqjen e kryeministrit Edi Rama dhe kanë refuzuar çdo ftesë për dialog nga ana e tij.
Në anën tjetër, kryeministri prezantoi sot një paketë të re ligjore që parashikon gjoba dhe masa më të ashpra për ata që marrin pjesë në protesta të dhunshme.
Burimi origjinal i informacionit: zeri .info
