Reagimet ndaj Vendimit të Hagës për Ish-Krerët e UÇK-së: Protesta dhe Kritikë nga Artistët
Vendimi i datës 16 shtator për katër ish-krerët e UÇK-së në Hagë ka shkaktuar një valë reagimesh në Kosovë, duke përfshirë qytetarë dhe figura të njohura publike.
Protestat në mbështetje të ish-krerëve të UÇK-së vazhdojnë në Prishtinë, ku janë parë edhe disa emra të njohur të muzikës shqiptare.
Në këto protesta, kanë marrë pjesë artistë si Genc Prelvukaj, Labinot Tahiri, Ledri Vula, Leonora Jakupi dhe Lyrical Son, ndërsa janë përmendur edhe artistë të tjerë që kanë shprehur publikisht qëndrimet e tyre.
Por, prania dhe reagimet e disa prej artistëve nuk kanë kaluar pa kritika.
Ish-banori i Big Brother VIP Albania 4 ka shfrytëzuar rrjetet sociale për të shprehur pakënaqësinë e tij ndaj disa kolegëve. “Veq Etno Engjëjve, Gold AG, Unikkatilit dhe Hysenit, nuk du me pa reper tjetër t’ Kosovës tu ba si patriot tash mas vendimit t’ Hagës.
E keni pas mund’sin’ me e çu zanin ma par’ për krimet e luftës të Serbisë, ama e keni zgjedh me knu për turli lloj senesh tjera”, tha ai.
Ai gjithashtu shtoi: “Pse nuk dolët me e ba ni kang për 4shen e UÇK që asht n’ burg?!
U ba vite që e keni humb moralin dhe atdhedashurinë si në tekste ashtu dhe n’ bashkpunime.
Dyfytyrsha.” Burimi origjinal i informacionit: telegrafi .com
