Sot është një ditë e veçantë për këngëtaren e njohur Xhensila Myrtezaj dhe aktorin e humorit Bes Kallaku, pasi djali i tyre, Amen Kallaku, feston ditëlindjen e dytë.
Edhe pse çifti i njohur i showbizit është ndarë prej rreth dy vitesh, lidhja e tyre përmes fëmijëve mbetet e pathyeshme. Si çdo nënë krenare, Xhensila nuk e la këtë ditë të kalonte pa ndarë me ndjekësit e saj disa fjalë të ndjera plot dashuri për të voglin e saj.
Në një postim prekës në Instagram, këngëtarja shkruan:
“Çdo hap i yti është një bekim për këtë botë, dhe kur të shoh, më duket sikur shoh një pjesë të qiellit këtu, midis nesh. Jeta ime tani ka kuptim, sepse ti ke sjellë dritën e tij, pa u trembur nga errësira. Ti më dhe forcën që nuk e dija se e kisha. Me ty, çdo vështirësi u bë më e lehtë dhe çdo errësirë mori dritë. Ti më shpëtove, Amen, më shpëtove jetën, my savior, shpëtimtari im. Falë teje, ndjej se mund të pushtojmë botën të tre së bashku.”
Fjalët e Xhensilës kanë prekur zemrat e shumë ndjekësve, të cilët kanë mbushur rrjetet sociale me urime për vogëlushin Amen dhe komplimente për dedikimin e ngrohtë të artistes.
