Pas intervistës së ish-banorin të Big Brother VIP Kosova, Xuxi, në emisionin Kosova Live në T7, ku foli hapur për përvojën e tij në shtëpi dhe raportet me ish-banorët, ka ardhur menjëherë edhe reagimi i ashpër i Xheneta Fetahut.
Gjatë intervistës, Xuxi kishte deklaruar se brenda shtëpisë nuk kishte shumë persona me të cilët mund të zhvillonte “biseda intelektuale”, duke përmendur si përjashtim vetëm ish-banorin Vullnet Krasniqi. “Po të isha në Big Brother Albania, jam shumë i sigurt që shumë më lehtë do ta kisha shpreh intelektin tim me Laertin, Rozanën e Danjën… Gje që më ka munguar në Big Brother Kosova, pasha qat Vullnet,” tha ai.
Por kjo deklaratë nuk është pritur mirë nga disa prej ish-banorëve, mes tyre edhe Xheneta, e cila reagoi ashpër në rrjete sociale. Në një postim të publikuar në profilin e saj, ajo nuk i kurseu fjalët ndaj Xuxit, duke e quajtur “mosmirënjohës” dhe duke e akuzuar për hipokrizi.
“S’po muj pa fol. Kur shoh njerëz mosmirënjohës, më vlon gjaku. Del e flet për ‘intelektin’ e Big Brother Shqipërisë, kur vet u mbyt tu sha njerëz e familje brenda Big Brother Kosovë…”, shkroi Xheneta, duke shtuar se disa persona harrojnë se janë trajtuar me respekt, pavarësisht sjelljeve që kanë pasur gjatë spektaklit.
Ky reagim ka ndezur debat në rrjete, pasi shumë ndjekës të formatit kanë komentuar se përplasjet mes ish-banorëve të BBVK po rikthehen sërish në vëmendje, pavarësisht përfundimit të edicionit.
