Ushtrimi i përbashkët i NATO-s në Kosovë për evakuimin mjekësor

Misioni i NATO-s në Kosovës (KFOR) ka bërë të ditur se ushtarët gjermanë, zviceranë e amerikanë kanë bërë një ushtrim të përbashkët në kampin Bondsteel për evakuimin mjekësor (MEDEVAC).

Stërvitja rriti ndërveprimin dhe gatishmërinë, duke siguruar që njësitë të mbeten të përgatitura për t’u përgjigjur kur thirren.

KFOR-i vazhdon të zbatojë mandatin e tij për të kontribuar në një mjedis të sigurt për të gjithë njerëzit që jetojnë në Kosovë.