Familjarët, kolegët dhe dashamirët sot i thanë lamtumirën e fundit artistit Shpat Kasapit, i cili ndahej nga jeta pas një arresti kardiak.
Gjatë ceremonive, Arif Ziberi nga ‘Elita 5’ me zë të dridhur nga emocioni, e kujtoi Shpatin si një njeri të jashtëzakonshëm dhe një artist të dashur për publikun.
‘Unë jam i sigurt që Shpati gjendet në një botë shumë më të mirë se kjo, dhe i premtoj, Shpat, do të realizojmë atë duet në botën tjetër, të jesh i sigurt,’ tha ai.
