Çifti i njohur nga Big Brother VIP Albania 5, Selin Bollati dhe Gimbo, kanë shënuar një tjetër moment të veçantë në historinë e tyre të dashurisë.
Dyshja festoi 5-mujorin e lidhjes, duke ndarë me ndjekësit disa momente nga kjo ditë speciale.
Përmes postimeve në rrjetet sociale, ata treguan atmosferën e festës së vogël, ku nuk mungoi torta me qiri dhe një dedikim i ëmbël: ‘Duke krijuar momente bashkë’.
Romantika e tyre nisi gjatë qëndrimit në shtëpinë e BBVA, ku shumë e panë si një afrim të krijuar nga rrethanat e spektaklit.
Megjithatë, pas përfundimit të programit, Selin dhe Gimbo dëshmuan se lidhja e tyre ishte e vërtetë, duke vazhduar të qëndrojnë bashkë edhe jashtë kamerave.
Me kalimin e kohës, marrëdhënia e tyre është bërë më e konsoliduar. Çifti ka nisur bashkëjetesën në Tiranë, derisa kanë ndarë shpesh me publikun momente nga jeta e tyre e përditshme.
Burimi origjinal i informacionit: telegrafi .com
