Banorja e Big Brother VIP Kosova 4, Sasa Hoda, ka prekur publikun pasi publikoi disa fotografi të realizuara pak para hyrjes në shtëpi, ku shfaqet duke ekspozuar hapur plagët e operacionit nga beteja e saj me një tumor të rrallë në enët e gjakut.
Fotot, të cilat ajo i postoi në Instagram, e tregojnë Sasën të veshur me një kostum elegant të zi dhe një reçipë me dantellë, ndërsa për herë të parë shfaq barkun e saj me shenjat kirurgjikale që dëshmojnë sfidën e saj shëndetësore.
Imazhet po cilësohen si më të fuqishmet që ajo ka ndarë ndonjëherë.
Në fotografi, Sasa shihet e sigurt, krenare dhe krejtësisht e vërtetë. Ajo e kthen një plagë – që dikur i solli dhimbje dhe frikë – në simbol të mbijetesës, pranimit dhe guximit.
Postimi i saj tashmë po bën xhiron e rrjetit.
Mesazhi i saj i fuqishëm për publikun
Në përshkrimin e fotove, ajo shkruan:
“Sot po mësoj ta dua veten kështu siç jam. Shpresoj të ngjall një dritë vetëbesimi te secili që ka përjetuar sfida si të miat. E juaja, më e vërtetë se asnjëherë – Sasa.”
Sasa ka treguar se sëmundjen e menaxhon me kontrolle të rregullta mjekësore, dhe vendimi për ta bërë plagën publike ishte një akt solidariteti ndaj çdo personi që përballet me sfida shëndetësore.
Reagimi i publikut
Ndjekësit janë prekur thellë nga transparenca e saj, duke e cilësuar Sasën si një nga figurat më frymëzuese të këtij edicioni të Big Brother VIP Kosova.
Ajo po perceptohet gjithnjë e më shumë si “vajza e çeliktë”, që i mbijeton çdo stuhie.
